Followers

Total Pageviews

Follow by Email

Search This Blog

Friday, August 15, 2014

மந்திர தியானம்



பாராளும் புலத்தியனே சகலருக்கும்
பதிவான மந்திரவாள் சூட்சங்கேளு
நேரான மூலமடா வடிவுமாச்சு
நேசமான ரீங்காரம் வேலுமாச்சு
கூறாத வடிவெல்லாம் மந்திரவாளை
கூர்மையுடன் சொல்லுகிறேன் ஓம்றிங்கென்று
மாறாத மவுனமாய் தியானம்பண்ண
மார்க்கம்முடன் திசையான வகையைபற்றே.

பத்திமனம் கொண்டு பூரணமாய் நின்று
பரஞான கேசரமே வாசமாகி
சுத்தமுடன் ஓம் றீங் வசிவசி என்றுஒதே
சூழ்ந்திருந்த சத்ருக்கள் வசியம் ஆகும்
சித்தமுடன் ஓம் றீங் நசிநசி என்றோத
சினந்துவரும் பீடைஎல்லாம் அகன்றுபோகும்
சுத்தமுடன் ஓம் றீங் வசிவசி என்றோத
சகல சவுபாக்கியம் தானுண்டாமே.

உண்டாகும் ஓம் றிங் மசி மசி என்றோத
ஒடுங்காதே காலகடி விஷங்கள்மீளும்
தண்டாமல் ஓம் றீங் அங் என்றோத
தட்டழிந்து மிருகம்எல்லாம் தானேஓடும்
நன்றாக சொன்னதிந்த மந்திரவாளை
நாட்டமுடன் பூரணமாய் பூசைபண்ணி
நின்றாட யாதொருகால் எழுத்துகெல்லாம்
நிசமான மந்திரவாள் ஓம் றீங்கேன்னே.

பாரப்பா இடதுகண் அகாராஞ்சந்திரன்
பதிவான வலதுகண் ஊகாரஞ்சூரியன்
நேரப்பா சுழிமுனைதான் மகராம் அக்கினி
நினைவாக இப்படியே தியானம்செய்து
கூரப்பா செபிக்கரதேவி மந்திரங்க்கேளு
கருணைஉடன் ஓம் றீங் சிவயவசிஎன்று
தேரப்பா இப்படியே தியானசெபம் பண்ண
சிவசிவா இகபரமும் முத்தியாச்சே. (அகத்தியர் வாதசௌவ்மியம் 1200)

No comments:

Post a Comment